УУС АЛДАН | МҮРҮ САҺАРҔАТА

Сегодня, пока люди занимались привычным делом – добывали лёд на зиму, – рядом с ними поселился неожиданный гость. Ондатра! 😍

Она то и дело ныряла в воду, доставала со дна корешки и водоросли, а потом спокойно усаживалась на льду и с аппетитом кушала. Совсем не боялась людей – будто чувствовала, что здесь её не обидят 😁

Такие моменты напоминают: природа рядом с нами, стоит только оглянуться 💚

📹 Наталья Попова.

📲Мах-каналбытыгар сурут
⬇️
https://max.ru/channel_ua_murusahargata

🌐 https://мюрюгазета.рф/

✅ @uamurusahargata @ulusmedia

Мас тардыһыыта – саха национальнай спордун кѳрүҥэ. Икки спортсмен утары олороннор маһы тардыһаллар. Ким мүлчү туппут хотторуу кыһыытын билэр. Биһиги мас тардыһыыбытын бүтүн Аан дойдуга билиннилэр, сэҥээрдилэр.
Быйылгы үѳрэх сылыгар улууска мас тардыһыытын күрэхтэһиитэ Хомустаах бөһүөлэгин сиригэр-уотугар буолла. Сарсыарда 8 чаастан спортивнай саала уораҕайыгар массыыналар тоҕуорустулар.

Сиһилии 👉 https://мюрюгазета.рф/homustaahha-mas-tardy%d2%bbyytyn-k%d2%afre%d2%95e-buolla/
 
Мах-каналбытыгар сурут ⬇️
 
https://max.ru/channel_ua_murusahargata 

✅ @uamurusahargata @ulusmedia

Мин өҥөм – улуус дьонун туһугар

Константин Местников:

– Биэс оҕолоох ыал аҕатабын. Билигин дьон тэлгэһэтин киэргэтэр, оҥостор буолла, онон бу өҥө улууспутугар баара ордук диэн санааттан тротуар билиитэлэри оҥорон көрүүһүкпүн диэн толкуй киирбитэ. Онон бу дьыаланы сыныйан үөрэппитим. Социальнай хантараакка киирсэн, быйыл сайын бэс ыйыгар 400 тыһыынча көмө харчыны ылбытым. Онон мэһийэр массыына, вибрациялыыр остуол уонна араас халыыптары уо.д.а ылбытым.

Саҥа саҕалаабыт буоламмын, быйыл сайын эксперимент быһыытынан билэр эрэ дьоммор атыылаатым уонна бэйэм дьиэм таһыгар тэлгээтим. Күһүҥҥэ диэри хамсаабакка бэркэ турда. Аны кыһыны хайдах туоруурун, сааһы хайдах көрсөрүн кэтээн көрүөм. Саас саамай сир ирэр, уу-хаар сүүрэр кэмэ тротуарга ордук тургутуулаах буолар. Хаачыстыбабар эрэннэхпинэ, сайын эрдэттэн күүскэ үлэлиирдии оҥосто сылдьабын. Кэнники кэҥээн бардахпына, урбаанньыт буолан, тэрилтэлэртэн да сакаас ылыа эбиппин. Холобур, билиитэлэри куораттан ылар буоллахха, аҥардас таһыытыгар элбэх харчы барар. Онон бу дьоҥҥо туһалаах өҥө буолсу.

📲Мах-каналбытыгар сурут
⬇️
https://max.ru/channel_ua_murusahargata

✅ @uamurusahargata @ulusmedia

Мин өҥөм – улуус дьонун туһугар

Лаврентий Тарскай:

– Үс оҕолоох дьиэ кэргэн аҕатабын. Өбүгэлэрбэр уус дьон бааллар. Онон удьуор утума салҕанар дииллэринии, куруутун тугу эмэ оҥорон дьарыктаныахпын баҕарар этим. Бу иннинэ маһынан уһанарым. Былырыын баччаларга социальнай хантараак көмөтүнэн станоктарбын, тэриллэрбин ылан үлэбин саҕалаабытым. Билигин дьарыгым этэҥҥэ баран иһэр, барыс баар диэххэ сөп. Социальнай хантараак сүрдээх көмөлөөх, бэйэ дьыалатын арыныан баҕарар киһиэхэ төһүү күүс буолар.

📲Мах-каналбытыгар сурут
⬇️
https://max.ru/channel_ua_murusahargata

✅ @uamurusahargata @ulusmedia

Мин өҥөм – улуус дьонун туһугар

Каралина Копырина:

– Улахан дьиэ кэргэн ийэтэбин. Майаҕас орто оскуолатыгар үлэлиибин уонна бэйэ дьарыктаахпын. LPG-вакуум массаас кэбиниэтин арыйарга быһаарынан, быйыл от ыйыгар социальнай хантараак бырагыраамаҕа киирсэн 350 000 солк. көмө харчы ылбытым. Бу харчыны LPG-массаас аппараатын, туттар тэриллэрбин ыларга туһаммытым уонна хоһум куортамын бастакы биэс ыйын төлөөбүтүм. Бороҕоҥҥо «Туйгун+» атыы-эргиэн дьиэтигэр хос куортамнаһан үлэбин саҕалаатым. Килийиэннэрим олус астыналлар, сыыйа элбээн эрэллэр.

Бырагыраамаҕа киирсэрбэр социальнай үлэһиттэр сүбэлээннэр, барыта орун-оннугар сааһыланан испитэ. Онон кинилэргэ махталбын тиэрдэбин. Маннык көмө дьон кыаҕын арыйарыгар тирэх буолар, итиэннэ дьиэ кэргэн дохуотун тупсарарга, нэһилиэк олоҕун сайыннарарга көдьүүстээх дии саныыбын.

📲Мах-каналбытыгар сурут
⬇️
https://max.ru/channel_ua_murusahargata

✅ @uamurusahargata @ulusmedia

🔹 Олох алын кээмэйигэр тиийбэт дохуоттаах ыал, эбэтэр үлэтэ суох киһи сөбүлэҥ түһэрсэн, дьиэ кэргэнин дохуотун үрдэтэргэ туһуламмыт Социальнай хантараак диэн судаарыстыба бырагыраамата ситиһиилээхтик үлэлээбитэ уонтан тахса сыл буолла. Бу сыллар устата бырагыраама үтүмэн элбэх киһи бэйэ дьыалатын тэринэн, үлэлээн-хамсаан дьиэ кэргэнин матырыйаалынай балаһыанньатын тупсарарыгар тирэх, олук буолбута саарбаҕа суох.

Бу бырагыраама улууспутугар хайдах үлэлии турарын билээри улуустааҕы нэһилиэнньэ көмүскэллээх буолуутун кэлим киинин, социальнай көмө боппуруостарыгар кылаабынай исписэлииһэ Ирина Беркинаны кытта кэпсэттибит.
⬇️
МЮРЮГАЗЕТА.РФ

📲Мах-каналбытыгар сурут
⬇️
https://max.ru/channel_ua_murusahargata

✅ @uamurusahargata @ulusmedia

👍 Мүрү, 1-кы Хоро, Лөгөй, Найахы нэһилиэктэрэ алтынньы 23 күнүгэр бэтэрээннэр "Кэхтибэт талааннар" бэстибээллэригэр Дүпсүн сиригэр көрүстүлэр.

“Улахан иһит салааһыннаах” диэн өбүгэлэрбит хоһуйан этэн хаалларбыттарын курдук, улахан нэһилиэктэр үгүс талааннаах дьонноруттан талыллан кэлбит бииртэн-биир бастыҥ нүөмэрдэр солбуйсан 3 чаастаах кэнсиэрбит биллибэккэ ааста. Биэс нэһилиэктэн олоххо көхтөөх аҕам саастаах көлүөнэ дьонтон барыта 134 киһи кытынна.

Дүпсүн сирин дьоно ыалдьыттарын олус тэринэн көрүстүлэр, бары усулуобуйаны барытын тэрийбиттэр. Бүтэһигэр нэһилиэк тэрилтэлэрэ бары кыттыһан тэрийбит фуршеттарын маанылаах остуолугар бэстибээл бары кыттыылаахтарын ыҥыран күндүлээтилэр. Онно ырыа-тойук да ылланна, үҥкүү-битии да тэрилиннэ. Бэстибээл тэрийээччилэрин ааттарыттан маннык истиҥник көрсүбүт Дүпсүн дьонугар, култуура дьиэтин бары үлэһиттэригэр махталбытын тиэрдэбит.

Салгыы бастакы бөлөҕү түмүктүүр көрүү алтынньы 28 күнүгэр Тумул бөһүөлэгэр буолуоҕа. Манна Курбуһах, Өлтөх, Суотту, Бороҕон нэһилиэктэрин аҕам саастаахтара түмсэн күөн-көрсүөхтэрэ.

Сиһилии дьүүллүүр сүбэ бэрэссэдээтэлэ Анна Лугинова
⬇️
МЮРЮГАЗЕТА.РФ

📲Мах-каналбытыгар сурут
⬇️
https://max.ru/channel_ua_murusahargata

🌐https://мюрюгазета.рф/

✅ @uamurusahargata @ulusmedia

#билиэнкөрүөнбаҕалаахтарга

📆 Алтынньы 24 күнэ

🤸🏻‍♂️ Россияҕа Гимнастика күнэ

🇷🇺 РФ Сэбилэниилээх Күүстэрин бойобуой спецназ подразделениеларын күнэ

🌟1935 сыллаахха Москваҕа Кремль Спасскай башнятыгар аан бастаан биэс салаалаах кыһыл сулус иилиллибит

🇺🇳Холбоһуктаах Нациялар Тэрилтэлэрин (ООН) күнэ

💉Полиомиелит ыарыыны утары аан дойдутааҕы күн

📲Мах-каналбытыгар сурут
⬇️
https://max.ru/channel_ua_murusahargata

🌐https://мюрюгазета.рф/

✅ @uamurusahargata @ulusmedia

📆 Алтынньы 24 күнэ. Сүбэ күн

🌡️ Бүгүн сарсыарда 6 чааска Бороҕоҥҥо 12 кыраадыс тымныы буолбут. Күнүс 9-11 кыраадыс тымныы буолуоҕа.

💨 Арҕааттан сөкүүндэҕэ 2-4 м түргэннээх, күүһүрэр кэмигэр 8-10 м тиийэ үрэр тыаллаах, былыттаах күн.

‎📸 Клара Троева. Мүрү
‎
‎📲Мах-каналбытыгар сурут
‎⬇️
‎https://max.ru/channel_ua_murusahargata
‎
‎🌐 https://мюрюгазета.рф/
‎
‎✅ @uamurusahargata @ulusmedia

#БАРЫБИИРГЭ

🔹 Мүрү нэһилиэгэр бүгүн анал байыаннай дьайыы кытыылаахтарын дьиэ кэргэттэригэр муус бэлэмниир үтүө санаа субуотунньуга ыытылынна.

– Бары биир киһи курдук түмсүүлээхтик, биир санаанан туруннубут. Үлэ күөстүү оргуйда: уопсай күүһүнэн бүгүн 42 ыалга муус тиэйилиннэ!

Сэттиэлэ устата
мууһунан анал байыаннай дьайыы кыттыылаахтарын дьиэ кэргэттэригэр барыта 66 ыалга уонна тыыл бэтэрээнэ 3 киһи хааччылыннылар!

Күргүөмүнэн үлэ кыттыылаахтарыгар – эр дьоммутугар, тэрилтэлэр салайааччыларыгар, итии аһынан өрүүтүн күндүлүүр элбэх оҕолоох ийэлэр "Дьол уйата" түмсүүлэригэр Мүрү нэһилиэгин дьаһалтатын үлэһиттэрин ааттарыттан истиҥ махталбытын тиэрдэбит,

– диэн тэрийээччилэр иһитиннэрэллэр.

https://t.me/ustaldansky/6157

📲Мах-каналбытыгар сурут
⬇️
https://max.ru/channel_ua_murusahargata

🌐https://мюрюгазета.рф/

✅ @uamurusahargata @ulusmedia